Les mots surlignés font l'objet d'une note
1Monseigneur, je croys bien que pour le present vous aurés resceu nous
2dernieres lettres que nous vous aurés [sic] escript par monsieur le secretère
3Borgel et par icelles vous porrés avoir veu lestat de tout
4nostre menage et comant vous estions tousiours après à nous
5preparer pour le voyage de La Rochele, que sera causse, monsegneur,
6qu’il me suffira pour l’heure presante vous dire que presantemant
7je man deypard pour men aller au vilage pour ammener nous
8chevaulx pour, puis après dans quatre ou cinq jours, nous encheminer
9audict voyage, auquel jespère (avec l’eyde de Dieu) que tout yra
10bien pour vouer nostre petit equipage asés en bon ordre. Depuis
11nosdictes dernières lectres, nous avons recouvert le palefernier breton
12qui souloyt servir monsieur de Laval, et lequel sen revenant
13de Bretagne de son peys, nous a ballyé ung courtaut assés
14de bonne tallye et duquel monsieur de Veynes a fort bonne opinion.
15Il nous la vandu quarante escus et n’a point voulu prandre largent
16que premieremant vous ne layons essayé à ce voyage qui me
17fait panssé que nous nan serons pas tronppé. Pourtant monsegneur
18vous pouvés à ceste heure considérer quel est l’equipage de mondit
19sieur de Laval, vous ayant desià escript que jestoys de cet
20advis de leysser le courtault pie à la charrette. Messeigneurs
21de Nevers et de Thavanes sen deypartent aujourdhuict, daultant
22en doeust aller en poste. Monsieur de Glandage [le père] est arrivé icy
24depuis troys ou quatre jours anssa. Monsieur de Laval a esté tout
25ce tamps divers si extremement gellé par le corps et par les
26janbbes et est encores de façon que je me doubte quil ne
27porra porter de long tamps bottes au janbbes tellement que
28nous sommes contrins luy faire faire de gros boloars, cest à dire
29en langage de Daulphiné, de garaudes de gros drapt. Quest tout
30ce que je vous peulx escripre, après vous avoir beysé très humblement
31les mains, je prieray le Createur
32Monsegneur, vous donner en parfaicte santté, longue et heureuze vie. De
33Paris, ce 3. Janvier 1573. Vostre humble et hobeyssant
34serviteur J de Chapponay